टेलिभिजन दुनियाकी रानी रुबीना दिलैक लामो समय देखी एकदमै जानिएकी मानिएकी कलाकार हुन् । बिग बोस १४ कि बिजेता समेत रहेकी रुबीनाको प्रसिद्धि एकदमै तिब्र रुपमा अगाडि बढेको छ । अब सानो पर्दा बाट उनी ठुलो पर्दामा समेत देखिने भइसकेकी छिन् । उनी चाँडै नै बलिउडमा डेब्यु मार्दैछिन् । सामाजिक सञ्जालमा निक्कै सक्रिय रहने रुबीना अहिले आफ्ना पति तथा बहिनी संग पहाड पर्वत घुम्नमा ब्यस्त रहेकी छिन् ।
यसका बारेमा रुबीनाले सामाजिक सञ्जाल मार्फत आफ्ना फ्यानहरुलाई शेयर गरिरहेकी हुन्छिन् । हालै उनले एउटा भिडियो शेयर गरेकी छिन् । जहाँ हिउँले ढाकिएको पहाडका बीचमा टेक इज ईजी उर्वशी बोलको गितमा खतरा डान्स गरिरहेको देख्न सकिन्छ । रुबीनाले यो भिडियो शेयर गर्दै लेखेकी छिन्– अग्लो स्थानमा डान्स गर्न यति सजिलो पनि हुदैन । भिडियोमा रुबीनाले रातो रंगको मोटो ज्याकेट तथा डेनिम्स लगाएको देख्न सकिन्छ । साथै उनले बुट र क्याप पनि लगाएकी छिन् । केही दिन अघि रुबीनाले मालदीवमा बिकिनी लगाएको फोटो शेयर गरेकी थिईन् ।
