काठमाडौं ५ कात्तिक । नेकपा माओवादी केन्द्रका अध्यक्ष पुष्पकमल दाहाल प्रचण्ड परिवारसहित धुलिखेल पुगेका छन् । नातिनातिनीसहित धुलिखेल पुगेका प्रचण्डले धुलिखेलमा रहेको क्लासिक जिपलाइनको अनुभव लिएका छन् । 
आफुलाई साहासिक गतिविधिमा रुचि लाग्ने बताउँदै आएका प्रचण्डले आफूले जिपलाइनको मज्जा लिएको बताएका छन् ।
२०७५ सालदेखि सञ्चालनमा आएको यो जिपलाइनको टेक अफ (थाक्लेडाँडा, धुलिखेल) देखि ल्यान्डिङ स्टेसन (खावा, पाँचखाल) सम्मको दूरी ११ सय मिटर रहेको छ ।
