कैलाली ४ कात्तिक । लगातार परेको पानीका कारण आएको बाढी पहिरोले पुर्याएको क्षतिको निरिक्षण गर्न प्रधानमन्त्री शेरबहादुर देउवा यति बेला सुदूरपश्चिम प्रदेश पुगेका छन् ।
कार्यतालिका अनुसार देउवा डोटीको दिपायल पुगेका हुन् । प्रधानमन्त्री देउवाले त्यहाँको जनप्रतिनिधि र स्थानीयसँग बाढी, पहिरो र डुबानबाट भएको क्षतिका विषयमा जानकारी लिएका छन् ।
यो सँगै अब प्रधानमन्त्री देउवाले बाढी पहिरोले पुर्याएको क्षतिको स्थलगत अवलोकन गर्ने भएका छन् । आइतबारबाट लगातार परेको पानीका कारण बाढी पहिरोबाट सुदूरपश्चिम प्रदेश मात्र ३० जनाले ज्यान गुमाएका छन् ।
त्यसैगरी २४ जना बेपाता भएका छन् भने १६ जना घाइते भएका छन् ।
