ओमान तथा युएईमा जारी आईसीसी टी ट्वान्टी विश्वकप क्रिकेटमा आज पनि दुई खेलहरु हुँदैछन् । आज विश्वकपको पहिलो चरण अन्तर्गत समूह ‘ए’ का दुई खेल हुन लागेका हुन् । युएईको आबुधाबीस्थित शेख जायद स्टेडियममा हुने पहिलो खेलमा नेदरल्यान्ड्स र नामिबियाबीच भिडन्त हुनेछ । यी दुई टोलीहरुबीचको खेल दिउँसो पौने ४ बजे बाट सुरु हुने बताइएको छ । दुबै टीम आजको खेलमा पहिलो जित निकाल्ने दाउमा हुनेछन् ।
पहिलो खेलमा नामिबिया श्रीलंकासँग ७ विकेटले पराजित हुदा नेदरल्यान्ड्स आयरल्यान्डसँग ७ विकेटले नै पराजित भएको थियो । यस्तै आजको दोस्रो खेलमा श्रीलंका र आयरल्यान्डबीच प्रतिस्पर्धा हुनेछ । यी दुई टीमबीचको खेल राति पौने ८ बजे सुरु हुनेछ । यी दुई टोली पनि आ आफु जित निकाल्ने सोचका साथ मैदान उत्रदैछन् । चार टोली रहेको यस समूहबाट दुई टोली सुपर १२ मा प्रवेश गर्ने छन् ।
