काठमाडौं २ कात्तिक । नेपाललाई थप चीनले २० लाख डोज कोरोना विरुद्धको खोप अनुदान गर्ने भएको छ । आज मंगलबार परराष्ट्रमन्त्री नारायण खड्का र चिनियाँ विदेशमन्त्री वाङ यीबीच टेलिफोन सम्वादमा यस्तो घोषणा भएको हो ।
परराष्ट्रमन्त्री खड्कालाई चीन भ्रमणको समेत निम्तो दिइएको जानकारी मन्त्रालयले जारी गरेको प्रेस विज्ञप्तीमा उल्लेख गरिएको छ ।
मन्त्रालयले दिएको जानकारी अनुसार दुई बिचको टेलिफोन संवादमा दुईपक्षीय सम्बन्ध, कोभिड–१९ विरुद्धको खोपमा सहकार्य, व्यापार र विकासमा समन्वय र सीमा व्यवस्थापनका विषयमा छलफल भएको बताइएको छ ।
