साउथ फिल्मका सुपरस्टार तथा बाहुबली’ अभिनेता प्रभासद्धारा अभिनय गरिएको बहुप्रतिक्षित फिल्म आदि पुरुषको छायांकन कार्य सम्पन्न भएको छ । यस फिल्मकी अभिनेत्री कृति सेननले सामाजिक सञ्जालमार्फत फिल्मको छायांकन सम्पन्न भएको जानकारी दिएकी हुन् । यस फिल्ममा प्रभास संग अभिनेत्री कृति सेनन् मुख्य भूमिकामा देखिनेछन् । ओम राउतले निर्देशन गरेको यस फिल्ममा आदि पुरुषको भूमिकामा प्रभासलाई देख्न सकिनेछ । कृति सेनन्ले भने जानकीको भूमिका निर्बाह गरेकी छिन् ।
कृतिले फिल्मको छायांकन सकिएको जानकारी दिँदै यो यात्रा यति छिट्टै सकियो भन्ने विश्वास नै नभएको बताएकी छिन् । उनले लेखेकी छिन् मलाई जानकीको भूमिकामा अभिनय गर्ने मौका यति छिट्टै सकिएकोमा एकदमै नराम्रो अनुभुति भएको छ । मैले जानकीको भुमिका गरेर आफुलाई एकदमै गर्व पनि महसुस गरेकी छु।’
उनले यस फिल्ममा जानकीको भुमिकाले आफ्नो ब्यक्तिगत जिवनमा समेत परिर्वतन ल्याएको बताईन् । उनले आफूमा दृढता र पवित्रताको विकास भएको समेत बताएकी छिन् । हिन्दू महाकाव्यबाट प्रेरित कथामा आधारित ‘आदि पुरुष’मा सैफ अलि खान भिलेनको भूमिकामा देखिने छन्। यस फिल्ममा उनी रावणको भूमिकामा देखिने छन् ।
