काठमाडौं ३१ असोज । तास खेलिरहेको अवस्थामा प्रहरीले ११ जना जुवाडेलाई पक्राउ गरेको छ । गोकर्णेश्वर नगरपालिका ५, नयाँबस्तीमा डेरा गरी बस्ने मकवानपुरका ३४ वर्षीय असल बलको कोठामा तास खेलिरहेको अवस्थामा असल बलसहित प्रहरीले ११ जनालाई पक्राउ गरेको हो ।
महानगरीय प्रहरी वृत्त बौद्धबाट खटिएको प्रहरीले विशेष सुचनाको आधारमा तास खेलिरहेको अवस्थामा दुई लाख ८२ हजार ५ सय रुपैयाँ र ४ बुक ताससहित ११ जनालाई शनिबार दिउँसो पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको जनाइएको छ ।
