एजेन्सी- बलिउड तथा हलिउड अभिनेत्री प्रियंका चोपडा र अमेरिकी गायक निक जोनास हाल छुट्टी मनाइरहेका छन्। छुट्टीमा उनीहरुले मस्ती गरिरहेका छन् । केही समय अगाडि पेरिस भ्रमणमा रहेका उनीहरु हाल इटालीमा रमाइरहेका छन् ।
उनीहरु रमाइरहेका तस्विरहरु बेला बेला बाहिर आइरहन्छन् ।उनीहरुबीचको गहिरो प्रेम उनीहरुका तस्विरबाट नै छरलंग हुन्छ । हालै निक जोनासले श्रीमती प्रियंकासँग नाचेको भिडियो सार्वजनिक गरेका थिए।
इन्स्टाग्राममा उक्त भिडियो सार्वजनिक भएपछि त्यो भाइरल बनेको छ। प्रियंका चोपडाले आफ्ना पति निकले खिचेका बोल्ड तस्बिरहरु सार्वजनिक गरेकी छन् । उक्त तस्विरमा उनी निकै बोल्ड देखिएकी छन् ।
फेसबुक र इन्स्टाग्राममा फोटोहरु सार्वजनिक गरिएका छन्। प्रियंकाले उक्त फोटोहरु श्रीमान निलके खिचेको बताएकी छन् । पछिल्लो समय यो जोडी विश्वकै चर्चित जोडीमा पर्छ ।
