काठमाडौं २५ असोज । रुपन्देहीको मोतिपुर औद्योगिक क्षेत्रमा आइतबार भएको झडपमा गम्भीर घाइते भएका चार जना प्रहरीलाई एअर डाइनास्टीको हेलिकोप्टरमार्फत काठमाडौँ ल्याइएको छ ।
घाइते हुनेमा २८ वर्षका प्रहरी जवान जयप्रकाश थारु ,प्रहरी जवान ज्ञयराज पुन मगर,३६ वर्षीय हवल्दार तिलकबहादुर धामी र ३६ वर्षका जवान खुसीराम चौधरी रहेका छन् ।
उनीहरुको एपीएफ अस्पताल काठमाडौँमा उपचार हुने बताइएको छ । उक्त झडपमा प्रहरीको गोली लागि चार जना स्थानीयको ज्यान गएको छ ।
उक्त झडपमा नेपाल प्रहरीका ३३ र सशस्त्र प्रहरीका २३ जना गरी ५६ जना सुरक्षाकर्मी घाइते भएका छन् । साथै १८ जना स्थानीय घाइते भएका छन् ।
