काठमाडौं २५ असोज । नक्कली टिकट बेचेको अभियोगमा प्रहरीले दुई जनालाई पक्राउ गरेको छ ।
सुर्खेत बसपार्कमा यात्रुलाई नक्कली टिकट दिएर पैसा असुलेको भन्दै दैलेख आठविस नगरपालिका ४ का प्रकाश शाही र वीरेन्द्रनगर ६ शनिहललाइनका सञ्जु सुनार पक्राउ परेका हुन् ।
प्रहरीले उनीहरुको साथबाट एक ठेली नक्कली टिकट बरामद गर्नुको साथै दुई वटा टिकट काटिसकेको अवस्थामा फेला पारेको थियो ।
देउती नागरिक यातायात प्रालि लोगो र छाप बनाएर नक्कली टिकट किनबेच गरेको प्रहरीले जनाएको छ ।
