नेपाली सिने जगतमा सधै संगै नाम जोडिएर आउने जोडी हो नायीका पुजा शर्मा र नायक आकाश श्रेष्ठको । उनीहरु बीच प्रेम सम्बन्ध रहेको समेत धेरै जसो सामाजिक सञ्जालमा हल्ला हुने गरेको छ । दुबै जना बीच प्रेम सम्बन्ध होला न होला तर दुबै जना मिल्ने साथीहरु भने पक्कै हुन् । यही जोडीलाई पर्दामा दर्शकले पनि अक्सर खोेज्ने गर्छन् । अहिले फेरी यो जोडीको नयाँ म्युजिक भिडियो सार्वजनिक भएको छ । बिहे भा छैन बोलको गीतको म्युजिक भिडियो सार्वजनिक भएको हो ।
दसैँको अवसर पारेर युट्युब च्यानलबाट सार्वजनिक गरिएको यस गीतमा अर्जुन सुनाम र सिर्जु अधिकारीको स्वर रहेको छ। गीतको रचना एसपी सापकोटाले गरेका छन् । यस गीतलाई निर्देशक तथा कोरियोग्राफर कविराज गहतराजले फिल्मी स्टाइलमा प्रस्तुत गरेका छन् । पारस कायस्थको कन्सेप्टमा तयार भएको म्युजिक भिडियोमा छायांकन सुदीप बराल, सम्पादन अर्जुन बिसी र भिएफएक्स सत्यम राणाको रहेको छ। आकाश र पुजाको यो भिडियोलाई दर्शकले एकदमै मन पराएका छन् ।
