भागिराम चेपाङ र सोममाया चेपाङ चितवनको माडी नगरपालिका वडा नम्वर ९ राइडाँडामा रहेको नमुना चेपाङ बस्तीका स्थानीय बासिन्दा हुन् । उनीहरु पहिला माडीकै कुसुम खोलामा बस्थे । चितवन राष्ट्रिय निकुञ्जले निकुञ्ज भित्रको क्षेत्रमा बस्न नदिने भएपछि कुसुम खोलाको बस्ती अहिले राइडाँडामा आइपुगेको हो ।
भागिराम चेपाङका छोरा हुन् भने उनकी श्रीमती सोममाया क्षेत्रीको छोरी हुन् । आपसमा माया बसेपछि उनीहरुले आपसमा बिहे गरेका हुन् । मायामा परेपछि जातभात, धनि गरिब, सानो ठुलो केहिले नछेक्ने भागिराम चेपाङ बताउछन् ।
सानोमा सँगै स्कुल जाँदा चेपाङको छोरासँग माया बसेको सोममाया बताउछिन् । धेरैले क्षेत्रीको छोरी चेपाङको छोरासँग कसरी गयो भने प्रश्न गर्ने गरेको उनले बताइन् । ‘चेपाङको छोराको रगत पनि रातो आउछ, मेरो पनि रातोनै हामी बिचमा के फरक भयो’ सोममायाले बताइन् ।
