छोरा आर्यन खानका कारण यतिबेला बलिउड अभिनेता शाहरुख खान तनावमा रहेका छन् । आर्यनलाई ड्रग्स केसमा एनसीबीले हिरासतमा राखेर सोधपसछ गरिरहेको छ । आर्यनलाई अक्टोबर ७ सम्म नारकोटिक्स कन्ट्रोल ब्यूरो एनसीबीको हिरासतमा पठाइएको हो । बलिउड अभिनेता शाहरुखलाई यतिबेला बलिउडका धेरै सेलिब्रेटीहरुले सर्पाेट गरिरहेका छन् । सलमान खान लगायतका कलाकार उनको घरमै पुगेर सान्त्वना दिएका छन् ।
यसैक्रममा आज शाहरुखको सबै काम सम्हाल्दै आएकी उनकी म्यानेजर पूजा ददलानी आर्यनलाई भेट्न एनसीबीको हेडक्वार्टरमा पुगेको खबर आएको छ । उनी कारमा चढेर हेडक्वाटर पुगेकी थिईन् । म्यानेजर पूजाले एजेन्सी हेडक्वार्टर बाहिर भएका मिडियालाई सम्बोधन गरेकी थिईन् त्यसलगत्तै एनसीबीका अधिकारीलाई क्रुज शीप रेव पार्टीका हालै पक्राउ परेका कार्यक्रम आयोजकलाई घेरेर अस्पतालतर्फ लैजादै गरेको देखिएको थियो ।
ड्रग्सका सबै आरोपीहरुलाई मेडिकल परीक्षणका लागि लैजादैं गरिएको थियो । मुम्बई प्रहरी ड्रग्स केसको मामिलामा पूरा मुम्बईमा छापा हानिरहेको बेला शाहरुख खानका फ्यानहरुले शाहरुखको समर्थन गरेका छन् । कठिन समयमा उनको परिवारको समर्थनमा उनका प्रशंसहरु बाहिर देखिएका थिए । सामाजिक सञ्जालमा ह्याशट्याग ट्रेन्ड सूरु भएपछि शाहरुखका केही प्रशंसकहरु उनको घरको बाहिर देखिएका थिए । मानिसहरु त्यहाँ ‘वि स्ट्यान्ड विद आर्यन खान’ लेखिएको ब्यानर लिएर उभिएका थिए ।
