काठमाडौं । नेपाली राष्ट्रिय क्रिकेट टोलीका प्रभावशाली खेलाडी तथा नेपाली युवा लेगस्पिनर सन्दीप लामिछानेलाई क्यारेबियन प्रिमियर लिग ९सिपिएल० टिम जमैका तलावाजले टिमबाट बिदा गरेको छ । अघिल्लो सिजनमा खेलेका ७ खेलाडीलाई टिममा रिटेन गरेकोमा यो पटक भने जमैकाले सन्दीपको नाम अटाउन नसकेपछि उनी बिदा भएका हुन् ।
गत सिजन सन्दीपसहित ग्लेन फिलिप्स र मुजिब उर रहमान लगायतले जमैकाबाट खेलेका थिए । सन्दीपसहित यसपटक ग्लेन फिलिप्स र मुजिब उर रहमान लगायतले जमैकाले हटाएको हो । गत सिजन सन्दीपको किफायती बलिङको मद्दतमा जमैका सेमिफाइनलसम्म पुगेको थियो।
सन्दीपले गत सिजन ११ खेलमा १२ विकेट लिएका थिए। २०२१ को सिपिएल आगामी २८ अगस्ट देखि १९ सेप्टेम्बरसम्म सेन्ट किट्स एन्ड नेभिसमा हुने खेलमा जमैकाले अलराउन्डर आन्द्रे रसेलसहित कार्लोस ब्रेथवेट, रोभमान पावेल, चाडविक वाल्टन, फिडेन इवार्ड्स, वीरासमी परमउल र रायन पर्साउदलाई भने आफ्नो टिममा अटाएको छ ।
