मुम्बई बाट गोवा जाने क्रुज शिपमा ड्रग पार्टीलाई एनसीबीले छापा मारेर केही ब्यक्तिलाई गिरफ्तार गरेको छ । शनिबार मुम्बई देखी गोवा जाने क्रुज शिपमा एनसीबीका अधिकारीहरुले छापा मारेर बलिउडका सुपरस्टार शाहरुख खानका छोरा आर्यन खान सहित अन्य ब्यक्तिहरुलाई पक्राउ गरेको हो । आर्यन सहित ९ जना पक्राउ परेका छन । उनीहरु संग एनसीबीले सोधपुछ गरिरहेको छ । पक्राउन पर्नेहरुको बिबरण यस्तो रहेको छ ।
मुनमुन धमेचा : मुल रुपमा उनी मध्यप्रदेशको सागर जिल्लाको तहसील भन्ने ठाउँकि हुन् । उनी दिल्लीमा रहदै आएकी छिन् । उनको स्कुलिंग मध्य प्रदेशको सागर बाट भएको थियो । उनी आज भन्दा ६ बर्ष पहिला आफ्नो भाई संग दिल्ली आएकी थिईन् । उनी एक मोडल हुन् । उनले आफ्नो सामाजिक सञ्जालमा र्याम्प वक गर्दै गरेको कैयौ फोटोहरु शेयर गरेकी छिन् ।
नुपुर सारिका : नुपुर दिल्लीमा साना बालबालीकाको शिक्षकको रुपमा काम गर्छिन् । नुपुरलाई एक आरोपी मोहकले ड्रग्स दिएका थिए । नुपुर सारिकाले ड्रग्स सेनेटरी प्याडमा लुकाएर पार्टीमा पुगेकी थिईन् । एनसीबीले उनी बाट उक्त ड्रग्स बरामद गरेको थियो ।
इस्मीत सिंह : इस्मीत दिल्लीका बसोबास गर्दै आएका छन् । दिल्लीमा उनको होटल रहेको छ । इसीत पार्टीको एकदमै शोखीन रहेका छन् । उनको साथ बाट एनसीबीलाई १४ एमडीएमए पिल्स बरामद भएको थियो ।
मोहक सजवाल : मोहक सजवाल दिल्लीमै बसोबास गर्दै आएका छन् । पेशाले उनी आइ टी प्रोफेसनल रहेका छन् । मोहक संग बिदेशमा काम गरेको अनुभव समेत रहेको छ । मोहकले मुम्बईमा नै एक ब्यक्ति बाट ड्रग्स लिएका थिए । फेरी उनले ड्रग्स नुपुरलाई दिएका थिए र भनेका थिए सेनेटरी प्याड्समा लुकाएर पार्टी सम्म पु¥याइदेउ त्यसपछि मोहकलाई दिनु ।
बिक्रान्त चोकर : बिक्रान्त पनि दिल्लीमै बस्दै आएका छन् । बिक्रान्त पुरै ड्रग्स एडिक्टेड ब्यक्ती हुन् । उनी अक्सर गरेर मनाला क्रीम र गोवा गएर ड्रग्स लिने गर्छन् । उनको साथ बाट एनसीबीले ५ ग्राम मेफेड्रोन तथा १० ग्राम कोकीन बरामद गरेको छ ।
गोमित चोपडा : गोमित दिल्लीमा चलेका एक ठुला फेशन मेकअप आर्टिस्ट रहेका छन् । दिल्लीका ठुला ठुला सेलीब्रेटीहरु यीनलाई मेकअपका लागि बोलाउने गर्छन् । गोमित उक्त ड्रग्स पार्टीमा आई लेन्सको बक्समा ड्रग्स लिएर पुगेका थिए ।
अरबाज मर्चेन्ट : अरबाज शाहरुख खानका छोरा आर्यन खानको स्कुलका साथी हुन् । दुबै जना कैयौ पटक पार्टीमा एक साथ देखिने गरेका छन् । एनसीबीले अरबाजको फोन बाट एक ठुलै सेलीब्रेटीको छोरी संग गरेको च्याट समेत पत्ता लगाएको छ । एनसीबीद्धारा अरबाजको साथ बाट ६ ग्राम चरेस बरामद गरेको छ ।
श्रेयस नायर : श्रेयस मुम्बईको गारेगाउँ इलाकामा बसोबास गर्छन् । क्रुज शिप पार्टीमा अलग अलग ग्रुप पार्टी गरिरहेका थिए । त्यस ग्रुप मध्ये एक ग्रुपलाई श्रेयसले नै ड्रग्स सप्लाई गरेका थिए । उनी यस पार्टीको इभेन्ट म्यानेजर मध्ये एक रहेका छन् ।
