चेन्नई लाई पराजित गर्दै दिल्ली क्यापिटल्स इंन्डियन प्रिमियर लिगको शीर्षस्थानमा उक्लिएको छ । आज भएको खेलमा चेन्नेई सुपर किंग्सलाई चार विकेटले पराजित गर्दै दिल्ली लिगको शिर्ष स्थानमा उक्लिएको हो । जारी प्रतियोगितामा १३ खेल खेलेको दिल्लीले १० खेल जितेको छ । दुबईमा भएको खेलमा टस हारेर ब्याटिङको निम्तो पाएको चेन्नेई २० ओभरमा ५ विकेट गुमाउँदै एक सय ३६ रन बनाउन सफल भएको थियो । चेन्नईका लागि अम्बाती राइडुले ५५ रनको अर्धशतकिय योगदान दिए ।
लक्ष्य पछ्याउँदै जवाफी ब्यांिटंगमा उत्रिएको दिल्लीले १९ ओभर चार बलमा सात विकेट गुमाउँदै लक्ष्य पुरा गरेको थियो । दिल्लीको जितमा शिखर धवनले ३९ रन बनाए भने सिमरोन हिटमेरले २८ तथा पृथ्वी शा र रिपल पटेलले १८–१८ रन बनाए । आजको जितसँगै दिल्लीले २० अंक बनाउँदै लिगको शीर्षस्थानमा पुगेको छ । यसअघि नै दुबै टिम प्लेअफमा पुगिसकेका छन ।
