शाहरुख खानका छोरा आर्यन खान लाई आईतबार मुम्बई बाट गोवा जाने क्रुज शिपमा ड्रग्स पार्टीमा सहभागि भएको आरोपमा हिरासतमा लिइएको छ । एनसीबीलाई पहिला नै थाहा थियो उक्त क्रुजमा चल्ने पार्टीमा ड्रग्सको प्रयोग भईरहेको छ भन्ने । यसैक्रममा एनसीबीका अधिकारीहरुले भेष बदलेर पार्टीमा सहभागि भए र अन्ततः छापा मारेर ८ जनालाई हिरासतमा लिन सफल भए ।
को हुन् आर्यनसंग सेल्फी लिने यी ब्यक्ति ?: हिरासतमा लिइएका ब्यक्तिहरुमध्ये शाहरुख खानका छोरा आर्यन खान एक रहेका थिए । एनसीबीले घण्टौ सम्म शाहरुख खानका छोरा आर्यन खानलाई सोधपुछ गरिसके पछि मात्र गिरफ्तारमा लिएको थियो । यी सबै घटनाका बिच आर्यन खान सामाजिक सञ्जालमा छाईरहेका छन् । साथै उनको एक अनजान ब्यक्ति संगको तस्बीर अहिले आएर भाइरल भईरहेको छ । आर्यनको तस्बीरले बोलिरहेको थियो कि उनी मुम्बईमा एनसीबीको कार्यालयमा एकदमै तनावमा बसिरहेका छन् ।
उनलाई हेरेर लाग्छ कि उनी रोन लागिरहेका छन् या त रोएर बसिरहेका छन् । त्यसै क्रममा एक ब्यक्ति भने मुस्कुराउँदै उनको साथमा सेल्फी लिईरहेको देख्न सकिन्छ । यसैक्रममा ति सेल्फी लिने ब्यक्ति को हुन् भन्ने सबैलाई जिज्ञासा रहेको छ । तर उनी एनसीबीकै एक अधिकारी रहेको भारतीय संचारमाध्यमहरुले जनाएका छन् ।
