मुम्बई । बलिउड अभिनेत्री आलिया भट्ट, जुनियर एन्टीआर, रामचरण र अजय देवगन अभिनीत प्रतीक्षित चलचित्र ‘आरआरआर’ को रिलिज मिति सार्वजनिक गरिएको छ । एसएस राजामौलीले बनाएको उक्त चलचित्र ७ जनवरी २०२२ मा प्रदर्शनमा आउने भएको छ । अभिनेत्री आलियाले सामाजिक सञ्जालमा चलचित्रको एक पोस्टर सार्वजनिक गर्दै प्रदर्शन मिति ७ जनवरी २०२२ उल्लेख गरेकी छन् । यो चलचित्र यसअघि चलचित्र सन् २०२१ मा प्रदर्शनमा आउने जनाइएको थियो । तर, अहिले नयाँ मिति सार्वजनिक गरिएको छ ।
बलिउड र दक्षिण भारतीय चलचित्र दुवैको एक्सन आरआरआरमा देख्न सकिनेछ । यो चलचित्रको बजेट चार सय करोड रहेको भारतीय सञ्चार माध्यमले जनाएका छन् । सौर्य दैनिकमा खबर छ । आरआरआर’ अघि अभिनेत्री आलियाले अर्को चलचित्र ‘गंगुबाई काठियावाडी’ को समेत प्रदर्शन मिति सार्वजनिक गरेकी थिइन् । यो पनि ७ जनवरी २०२२ मा प्रदर्शनमा आउने भारतीय सञ्चार माध्यमले उल्लेख गरेका छन् । प्रदर्शन मिति सार्वजनिक भएअनुसार यी दुवै चलचित्र ७ जनवरीमा एक अर्कासँग भिड्ने छन् ।
