आईपीएल टी ट्वान्टी क्रिकेटको आज भएको खेलमा जित हाँसिल गर्दै रोयल च्यालेन्जर्स बैंगलोर प्ले अफमा प्रवेश गरेको छ । आज भएको खेलमा पन्जाब किङ्सलाई ६ रनको झिनो अन्तरले पराजित गर्दै बैंगलोर प्ले अफमा पुगेको हो । बैंगलोरले पञ्जाब समक्ष १ सय ६५ रनको लक्ष्य प्रस्तुत गरेको थियो । जवाफी ब्याटिङमा उत्रिएको पन्जाबले २० ओभरमा ६ विकेट गुमाएर १ सय ५८ रनको स्कोर मात्र खडा गर्न सकेपछि हार ब्यहोरेको हो ।
मयांक अग्रवालले ५७ रनको अर्धशतकीय खेलेपनि टोलीको हार टार्न सकेनन् । बैंगलोरका युजभेन्द्र चाहल एक्लैले ३ विकेट लिए । यस अघि पहिले ब्याटिङ गरेको बैंगलोरले २० ओभरमा ७ विकेट गुमाएर १ सय ६४ रन बनाएको थियो । आजको यो जितसँगै बैंगलोरले १२ खेलमा १६ अंक जोडेको छ । बैंगलोर तेस्रो स्थानमा रहेको छ । पन्जाब १० अंक जोडेर पाँचौं स्थानमा रहेको छ ।
