चितवन टाइगर्सले ईपीएल टी ट्वान्टी क्रिकेटमा अपराजित यात्रा लाई कायमै राखेको छ । उसले प्रतियोगितामा चौंथो जित निकालेको छ । आज भएको खेलमा साविक विजेता ललितपुर प्याट्रीयट्सलाई चितवनले ५ विकेटले पाखा लगायो । आजको जित संगै चितवन क्वालिफायरमा प्रवेश गरेको छ । चितवनले ४ खेलमा ८ अंक जोडेको छ । चितवन र ललितपुरबीचको खेलको नतिजाले पोखरा राइनोज र भैरहवा ग्ल्याडियटर्सले समेत प्ले अफमा स्थान बनाएका छन् ।
ललितपुर ५ खेलमा ३ अंक जोडेर चौंथो स्थानमा रहेको छ । ललितपुरले १ सय ९ रनको लक्ष्य प्रस्तुत गरेको थियो । चितवनले १७ ओभर २ बलमा मात्र ५ विकेट गुमाएर उक्त लक्ष्य पुरा गरेको थियो । यस अघि टस जितेर पहिले ब्याटिङ गरेको ललितपुरले २० ओभरमा ९ विकेट गुमाएर १ सय ८ रन बनाएको थियो ।
