काठमाडौं १७ असोज । करेन्ट लागेर एक हात्तीको ज्यान गएको छ । कोशी टप्पु वन्यजन्तु आरक्ष कार्यालयको रैथाने मकुना हात्तीको करेन्ट लागेर ज्यान गएको आरक्ष कार्यालयले जनाएको हो ।
आरक्षका संरक्षण अधिकृत अशोक रामले दिएको जानकारी अनुसार हात्ती चर्दै धान खेतमा पुगेको र त्यही करेन्ट लागेका मकुनाको ज्यान गएको हो । हात्ती आज बिहान मृत अवस्थामा धान देतमा फेला परेको हो ।
चरणको क्रममा धानखेतमा पुगेको मकुना हात्ती करेण्ट लागेर मरेको बताए । रामका अनुसार हात्ती आज विहान मृत भेटिएको थियो । रैंथाने रुपमा बस्दै आएको मकुना हात्ती हात्तीसारमा रहेका हात्तीको अभिभावकका रुपमा रहेको थियो ।
सुनसरी र सप्तरी तर्फका दर्जन बढीको ज्यान लिएको मकुना हात्तीको स्थानतरणको कुरो चलिरहेको जानकारी दिएका उनले मकुनाको मृत्युले आरक्षलाई ठूलो क्षति पुगेको बताएका छन् ।
