साउथह्याप्टन लाई पराजित गर्दै चेल्सी प्रिमियर लिग फुटबलको शीर्ष स्थानमा उक्लन सफल भएको छ । आज राति भएको खेलमा साउथह्याप्टन लाई ३–१ गोल अन्तरले पराजित गर्दै चेल्सी शीर्ष स्थानमा उक्लन सफल भएको हो । चेल्सीलाई जित दिलाउने क्रममा ट्रेभाच चोल्बा, टिमो वार्नर र वेन चिलवेलले समान एक–एक गोल योगदान दिए । साउथह्याप्टनका लागि जेम्स वार्ड–पावर्सेले सान्त्वना स्वरुप एक गोल फर्काएका थिए।

खेलको ७७ औँ मिनेटमा जेम्सले रातो कार्ड खाँदै मैदान बाहिरिएपछि साउथह्याप्टन १० खेलाडीमा सिमित भएको थियो । आजको यो जित संगै चेल्सी अंक तालिकाको शीर्ष स्थानमा उक्लिएको छ । लिगमा ७ खेल खेलेको चेल्सीको १६ अंक छ । आज पराजित भएको साउथह्याप्टन ४ अंक सहित तालिकाको १७ औँ स्थानमा रहेको छ ।