काठमाडौं १४ असोज । काठमाडौंस्थित नयाँ बानेश्वरमा एक महिलाको शव फेला परेको छ ।
बानेश्वर क्याम्पस नजिकै बागमती खोला किनारामा अर्ध नग्न अवस्थामा एक महिलाको शव फेला परेको हो । महानगरीय प्रहरी परिसर काठमाडौंका एसपी रमेश बस्नेतले दिएको जानकारी अनुसार उक्त शवको पहिचान भने भएको छैन ।
घटनाको थप अनुशन्धान गर्न महानगरीय प्रहरी वृत बानेश्वरका डिएसपी मिम बहादुर लामाको टोली घटनास्थलमा पुगेर अनुसन्धान सुरु गरेका छन् ।
