कोरोनाको महामारीका बेला त्रसित बनेका नेपाली जनतालाई बिमा कम्पनीहरुले कोरोनो बिमा गराएर ठुलै राहत त दिए । तर जब कोरोनाको संख्या बढ्दै गयो र भुक्तानी गर्नु पर्ने अवस्था आयो बिमा कम्पनि सरकार संगको संझौतालाई देखाएर पन्छिने काम गर्यो ।
अहिले सम्म बिमितहरुको अरबौ रुपैया दिन आलटाल गरिरहेको छ बिमा कम्पनी । यहि बेला सबैको नजरमा बसेका अर्थमन्त्री जनार्दन शर्माले भुक्तानी गर्न बाँकी कोरोना बिमाबारे चासो देखाएका छन् । उनले यस बिषयमा छलफल सुरु गरेका छन्।
मन्त्री शर्माले आज बिमा समितिका अध्यक्ष सूर्यप्रसाद सिलवाललगायत पदाधिकारीलाई बोलाएर कोरोना बिमा भुक्तानीका लागि आवश्यक स्रोत–साधन र उपायका विषयमा छलफल गरेका हुन्।अर्थमन्त्री शर्माले यस विषयमा थप अध्ययन गरेर आवश्यक प्रक्रिया अघि बढाउन निर्देशन दिएका छन् ।
उनले रकम भुक्तानीको तयारी थाल्न समितिलाई निर्देशन समेत दिए। अहिले विभिन्न बिमा कम्पनीले बिमितलाई ११ अर्बभन्दा बढी रकम भुक्तानी दिन बाँकी रहेको छ।
