बिग बोस ओटीटीमा राकेश बापट तथा शमिता शेट्टीको कनेक्सन एकदमै शक्तिशाली रहेको थियो । दुबै जना बिच दोस्ती भन्दा माथि सम्बन्ध रहेको भन्दै सबैको ध्यान खिचेको थियो । आफै शमिता तथा राकेशले एक अर्काको लागि आफ्नो भावना ब्यक्त गरेका थिए ।
अब शो सकिए पछि पनि उनीहरु बिचको नजिकपन तथा दोस्ती प्रष्ट देखिएको छ । शुक्रबार दुबै जना डिनरमा देखिएका थिए । जसको झलक उनले आफ्नो इन्ष्टाग्राम स्टोरीमा शेयर गरेकी छिन् । शमिता तथा राकेश दुबैले आफ्नो डिनर डेटको फोटो सार्वजनिक गरेका छन् ।
उनीहरुले एक अर्काको हात समाई रहेको देख्न सकिन्छ । यस फोटोको हर्ट इमोजीको साथमा शेयर गर्दै लेखिएको छ – तिमी र म । दुबै जनाले आफ्नो पक्का सम्बन्धलाई देखाउन कुनै कसर बाँकि राखेका छैनन् । उनीहरु आफ्नो सम्बन्धलाई लिएर एकदमै मजबुत रहेका छन् ।
उनीहरु दुबै जना डिनर डेटमा गएको भिडियो अहिले सामाजिक सञ्जालमा एकदमै भाइरल भएको छ । दुबै जना एक रेष्टुरेण्टमा पुग्छन् । उनीहरु दुबै जना रेष्टुरेण्टमा पुग्नु भन्दा अघि नै पैपराजीहरु पुगिसकेका थिए ।
