चितवन ८ असोज । नेकपा एमालेका नेता रामबहादुर थापा (बादल)ले आगामी निर्वाचनमा माओवादी केन्द्रका अध्यक्ष प्रचण्डसँग लड्न तयार भएको बताएका छन् ।
आज शुक्रबार भरतपुर विमानस्थलमा सञ्चारकर्मीहरुसँग बोल्दै नेता थापाले यस्तो बताएका हुन् ।
नेता थापाले आगामी चुनावमा प्रचण्ड भर्सेस बादल पनि हुन सक्ने भन्दै चितवनका कार्यकर्ताहरुमा आफुतिर लागेको समेत दावी गरेका छन् ।
‘माओवादीभित्रको अन्तरविरोध देखिराख्नु भएको छ, त्यो कुरा स्वयं प्रचण्डले नै व्यक्त गरिरहनु भएको छ, कतै म एक्लो हुने त होइन, सबै मन्त्री हुनलाई लुछाचुडी गरिराखेका छन् भन्ने अभिव्यक्ति सुनिरहनु भएको छ, त्यसको अर्थ सबै प्रचण्डको पछाडि लागेका छन् भन्ने त बुझिएन ’ थापाले भने ।
साथै उनले मेरिकी सहयोग परियोजना एमसीसीलाई परिमार्जन गरेर स्वीकार गर्नुपर्ने पार्टीको धारणा रहेको समेत स्पष्ट पारेका छन् ।
