काठमाडौँ ७ असोज । नेपाली कांग्रेसका सांसद तथा पुर्व मन्त्री गगन थापाले विपक्षी दल नेकपा एमालेले संसदलाई पंगु बनाउने काम गरेको बताएका छन् ।
निरन्तर संसद अवरुद्ध गरेका सांसद नै लाजमानेर संसद भवनको पछाडीको ढोकाबाट भाग्ने गरेको समेत बताएका छन् । अध्यक्ष केपी ओलीलाई संसददेखि नै घिन लाग्ने भएकाले पटक पटक भंग गरेको र पुर्नस्थापना भएपछि पनि संसद पंगु बनाएको जनाएका छन् ।
एमालेको अवरोधका कारण आफुहरुले समेत संसदको भुमिका निवार्ह गर्न नसेको बताएका उनले भने, ‘विनियोजन विधेयक, आर्थिक विधेयक र राष्ट्र ऋण उठाउने विधेयकमाथि आफ्ना कुरा राख्न नपाएर टुलुटुलु हेरेर बस्नुपर्ने अवस्था आएको छ’ ।
‘राष्ट्र ऋण उठाउने विधेयक, आर्थिक विधेयकमा बोल्नु थियो । दर्जनौं कुरा सरकारलाई राख्नु थियो । विमती राख्नु थियो । आज बजेट पारित भयो । यो बजेटभित्र प्रतिपक्षी दलले उठाउनुपर्ने कुराहरू छैनन् रु संसद्लाई यसरी पंगु बनाएर राख्ने ?’ उनले भने ।
