काठमाडौँ ७ असोज । नेकपा माओवादी केन्द्रका अध्यक्ष प्रण्चण्डले आफ्नो निर्वाचन क्षेत्रमा नेकपा एमालेका अध्यक्ष केपी शर्मा ओलीले राम सीता हनुमान राखिदिएको बताएका छन् ।
आज बिहिबार काभ्रेमा आयोजित एक कार्यक्रममा अध्यक्ष प्रचण्डले ओली सामन्ती हिन्दु अतिवादी भएको आरोप लगाउँदै यस्तो बताएका हुन् ।ओली प्रवृत्ति विचारको हिसाबले कम्युनिस्ट,माक्र्सवादी नभई सामन्ती हिन्दु अतिवादी हो भएको बताएका हुन् ।
प्रचण्डले ओलीले पशुपती मन्दिरमा चढाएको जलहरीको विषयलाई लिएर यस्तो काम कम्युनिस्टले गर्न नसक्न भन्दै कार्यक्रममा भने, ‘यो सामन्ती हिन्दु अतिवादी हो, (पशुपतिनाथमा) जलहरी चढाएको त सुन्नुभयो होला । मेरो निर्वाचन क्षेत्रमा राम सीता हनुमान राखिदिएको छ । ‘कम्युनिस्टले यस्तो काम गर्छ त ?’
ओली जति बुद्धि नभएको अरु कोही नभएको भन्दै उनले महान नेता हुन ओलीले अवसर गुमाएको पनि बताए ।
