काठमाडौँ ७ असोज । नेपालमा पछिल्लो २४ घण्टामा १ हजार २३९ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा ११ हजार ६२९ पीसीआर परीक्षणमा ९४१ र ३ हजार ६१४ एन्टिजेन परीक्षणमा २९८ जना गरी १ हजार २३९ जनामा संक्रमण पुष्टि भएको हो ।
त्यसैगरी, पछिल्लो २४ घण्टामा देशभरबाट १ हजार ३२४ जना संक्रमणमुक्त भएका छन् । मन्त्रालयले दिएको जानकारी अनुसार पछिल्लो २४ घण्टामा १३ जना संक्रमितको भने ज्यान गएको छ ।
