काठमाडौं ६ असोज । नवनियुक्त परराष्ट्रमन्त्री डा.नारायण खड्काले पद तथा गोपनियताको शपथ ग्रहण गरेका छन् ।
आज बुधबार राष्ट्रपति कार्यालय शितल निवासमा आयोजित एक कार्यक्रममा राष्ट्रपति विद्यादेवी भण्डारीले खड्कालाई पद तथा गोपनियताको शपथ ग्रहण गराएकी हुन् ।
हिजो बसेको मन्त्रिपरिषद् बैठकको सिफारिसमा आज राष्ट्रपतिले खड्कालाई मन्त्री पदमा नियुक्त गरेही हुन् ।
मन्त्री खड्काले आजै परराष्ट्र मन्त्रालय पुगेर कार्यभार सम्हाल्ने कार्यक्रम समेत रहेको छ ।
