काठमाडौँ ६ असोज । नेत्रविक्रम चन्द (विप्लव) नेतृत्वको नेपाल कम्युनिष्ट पार्टीले अगामी फागुनमा पार्टीको महाधिवेशन गर्ने भएको छ ।
तनहुँको बन्दीपुरमा पाँच् दिन चलेको पार्टीको ११ औं केन्द्रीय समितिको बैठकले जनयुद्ध दिवसको अवसर पारेर आगामी फागुनमा नवौं महाधिवेशन गर्ने निर्णय गरेको हो । मङसिर ८ गते भने काठमाडौंमा विशाल जनसभा तथा प्रदर्शन गर्ने पनि बैठकले निणर्य गरेको छ ।
बैठकले आफ्नो कार्यनीतिक नारा ‘जनमतसङ्ग्रहका पक्षमा माहोल सिर्जना गर्न सबै देशभक्त, प्रगतिशील र कम्युनिस्ट शक्तिहरूलाई मोर्चाबद्ध र एकताबद्ध गर्दै जनमतसङ्ग्रहका लागि अभियान सञ्चालन गर्ने’ निर्णय पनि गरेको छ ।
महाधिवेशनको लागि पार्टीका आधारभूत तहदेखि जिल्लासम्म सबै तहका सम्मेलनहरू पनि बैठकले निणर्य गरेको बताइएको छ ।
