धनगढी ५ असोज । कञ्चनपुरका सशस्त्र प्रहरीमाथि आक्रमण गर्ने भारतीय तस्कर समुहका एक जनालाई प्रहरीले पक्राउ गरेको छ ।
हिजो सोमबार साँझ नेपाल–भारत सीमास्थित दोधाराचाँदनी नगरपालिका–८ को कञ्जभोजमा गस्तीमा खटिएका सशस्त्र प्रहरीलाई भारतीय तस्कर समुहले ढुङ्गामुढा गर्दा तीन जना प्रहरी घाइते भएका थिए ।
पक्राउ पर्नेमा अर्जुन कुमार रहेको बताइएको छ । अर्जुनमाथि थप कारवाहीको प्रक्रिया अगाडी बढाइएको कञ्चनपुर प्रहरीले जनाएको छ । घाइतेहरुको स्थानीय स्वास्थ्य संस्थामा उपचार भइरहेको छ ।
