काठमाडौं । अनलाइन नेपाली रमाइलो जोक्स प्रतियोगिताको तेस्रो अडिसनको नतिजा बाहिरिएको छ । जसमा १० जना प्रतिस्पर्धीहरुमध्ये लुम्बिनीका निश्चल अर्याल, सुनसरीका निटराज खतिवडा, सुनसरीकै प्रूविन खड्का, काठमाडौँका सुलव भट्राई, दार्जलिगंका अनिल राई ,ललितपुरका महेश खनाल , झापाका मनिष आचार्य, दागंका प्रकाश पाण्ण्डे उत्कृष्ट आठमा छानिएका छन् । निर्देशक राईका अनुसार प्रतियोगिताबाट हरेक साता २ जना प्रतिस्पर्धीलाई बिदा गर्दै निर्खार्दै लैजाने योजना रहेको छ । निर्देशक राईका अनुसार तेस्रो चरणको अडिसनमा ३२ मिनेट लामो प्रस्तुतीमा सुनसरीका निटराजले उत्कृष्ट प्रस्तुती दिएका छन् । जुलाईमा फाइनल हुने यस प्रतियोगिताका निर्णायकहरुमा बुद्धि तामाङ (हैट) , अमेरिकमा रहेका अभिनेता भानु तिवारी र सिक्किममा रहेका दिलिप गुरुङ रहेका छन् ।
यसैबिच रिदम स्क्रिनले अनलाइन नेपाली रमाइलो जोक्स प्रतियोगिताको भिडियो लाइक शेयर कमेन्ट गर्ने दर्शकहरुलाई समर्थकका रुपमा पुरस्कृत गर्ने जनाएको छ । निर्देशक राईका अनुसार सामाजिक सञ्जालमा रमाइलो जोक्सका भिडियो सेयर गर्ने सर्मथकहरुमध्ये २ जनालाई हरेक हप्ता नगद रु ५-५ हजारका दरले पुरस्कृत गरिएको छ । त्यस्तै बेस्ट पर्मपरलाई रु १० हजार र आर्कषक उपहार उपलब्ध गराइनेछ भने प्रथम, द्धित्तीय र तृतीय हुनेलाई क्रमश ३ लाख, २ लाख र १ लाख नगद उपलब्ध गराइने निर्देशक राईले जानकारी दिए । कोरोनाको समयमा विश्व नै लकडाउनले थलिएका बेला संसारभर रहेका नेपालीहरुलाई थोरै भएपनि मनोरञ्जन होस् भन्ने हिसाबले यो रमाइलो मनोरञ्जनात्मक कार्यक्रमको आयोजना गरिएको निर्देशक राईले बताए ।
