एएफसी महिला एसियन कप २०२२ छनोटको खेलमा भोली नेपालले हङकङ संग प्रतिष्पर्धा गर्दैछ । आफ्नो दोस्रो खेलमा नेपालले भोलि हङकङविरुद्ध प्रतिस्पर्धा गर्न लागेको हो । उज्वेकिस्तानको जेएआर स्टेडियम हुने यी दुबै टिमबीचको खेल नेपाली समय अनुसार दिउँसो पौने ४ बजे बाट सुरु हुनेछ ।
एसियन कपमा छनोटका लागि नेपालले हङकङ विरुद्ध अनिबार्य जित निकाल्नु पर्नेछ । छनोट हुने सम्भावना कायम राख्न नेपाललाई हङकङविरुद्ध जित्नै पर्ने दबाब रहेको छ । समूह एफ मा रहेको नेपालले पहिलो खेलमा फिलिपिन्स संग पराजय भोग्न पुगेको थियो ।
नेपालले अग्रता बनाए पनि अन्तिम समयमा सम्हालिन नसक्दा थप २ गोल खान पुगेको थियो । । जुन खेलमा नेपाललाई भोलीको जित मात्र पर्याप्त हुदैन । फिलिपिन्स र हङकङबीचको खेलमा समेत भर पर्नु पर्नेछ । यस समूहको शीर्ष टोलीले अर्को वर्ष भारतमा हुने एसियन कप खेल्नेछ ।
