आईसीसी विश्वकप क्रिकेट लिग–२ अन्तर्गतको त्रिकोणात्मक एकदिवसीय अन्तराष्ट्रिय सिरिजका लागि ओमान पुगेको नेपाली टिम भोली स्वदेश फर्किने भएको छ । नेपाली टोली भोली बिहान पौने आठ बजे त्रिभुवन अन्तराष्ट्रिय विमानस्थल आईपुग्ने बताइएको छ ।
ओमानको अल अमिरात क्रिकेट मैदानमा नेपालले ४ खेल खेलेको थियो । जसमा २ मा जित र २ हार ब्यहोरेको थियो । सिरिज अन्र्तगतको पहिलो खेलमा नेपालले अमेरिकालाई ५ विकेटले हराएको थियो । दोस्रो खेलमा नेपाल ओमानसँग ५ विकेटले स्तब्ध भएको थियो ।
तेस्रो खेलमा भने अमेरिकाले नेपाललाई ६ विकेटले हराएको थियो । नेपालले आइतबार भएको खेलमा शक्तिशाली मानिएको टोली ओमानलाई ७ विकेटले पराजित गरेको थियो ।
जुन नेपालले एकदिवसीय अन्तराष्ट्रियमा ओमानमाथि पहिलो जित निकालेको हो । नेपालले ८ खेलमा ८ अंक जोडेको छ । ओमान १३ खेलमा २० अंक जोडेर शीर्ष स्थानमा रहेको छ । अमेरिका १५ खेलमा १४ अंक जोडेर दोस्रो स्थानमा रहेको छ ।
