काठमाडौं ३ असोज । नियन्त्रित अवैध लागूऔषध सहित प्रहरीले एक जनालाई पक्राउ गरेको छ । पक्राउ पर्नेमा सिरहा लहान नगरपालिका ४ बस्ने २६ वर्षीय आनन्द प्रसाद दास रहेका छन् ।
उनलाई आइतबार बिहान नागढुंगास्थित चेकप्वाईन्टमा खटिएको प्रहरीले जाँच गर्ने क्रममा नियन्त्रित लागूऔषध डाईजोपाम ८ एम्पुल, फेनरागन ८ एम्पुल र नुफिन ८ एम्पुल सहित पक्राउ गरेको हो ।
सिरहाबाट काठमाडौं आउँदै गरेको प्रदेश ०१–०२–००१ ख ८८६९ नम्बरको बसलाई चेक जाँच गर्ने क्रममा उक्त लागु औधषसहित दासलाई प्रहरीले पक्राउ गरेको हो ।
यस विषयमा प्रहरीले थप अनुशन्धान सुरु गरेको जनाएको छ ।
