काठमाडौं ३ असोज । सत्तारुढ दल नेपाली कांग्रेसका प्रवक्ता विश्वप्रकाश शर्माले आफ्नो उम्मेदवारीका विषयमा अवधारणा पत्र सार्वजनिक गरेका छन् ।
महामन्त्रीमा उम्मेदवारी दिने घोषणा गरेका प्रवक्ता शर्माले ६ पृष्ठ लामो अवधारणा पत्र सार्वजनिक गरेका हुन् ।
आज आइतबार संविधान दिवसको अवसरमा गृह जिल्ला झापा पुगेका शर्माले हिजो राजनीतिक परिवर्तन, अब राजनीतिमा परिवर्तन हुनु पर्ने बताएका छन् ।
‘शासकीय प्रणालीको बहसलाई शासन संस्कार पद्धत्तितर्फ मोडौँ, एकपटक राष्ट्रपति, दुईपटक प्रधानमन्त्री, तीनपटक मन्त्री, चारपटक सांसदको सपथ मात्रै गर्न पाउने व्यवस्था संविधानमै गरौँ ।’ शर्माले जारी गरेको अवधारणा पत्रमा उल्लेख गरिएको छ ।
