काठमाडौं ३ असोज । पछिल्लो २४ घण्टामा देशभर ७३४ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशभर गरिएको ७हजार ३०४ पीसीआर परीक्षणमा ६५६ र २हजार ७०९ एन्टिजेन परीक्षण गर्दा ७८ जना गरी ७३४ जनामा संक्रमण पुष्टि भएको हो ।
योसँगै, हालसम्म नेपालमा कुल संक्रमितको संख्या ७ लाख ८४ हजार ५६६ पुगेको मन्त्रालयले जनाएको छ । यस्तै गरी , पछिल्लो २४ घण्टामा १ हजार ४१३ निको भएका छन् । यो सँगै नेपालमा हालसम्म संक्रमण मुक्त हुनेको संख्या ७ लाख ४९ हजार २१३ पुगेको छ ।
मन्त्रालयले दिएको जानकारी अनुसार पछिल्लो २४ घण्टामा १२ जना संक्रमतिको भने उपचारको क्रममा ज्यान गएको छ । यो सँगै नेपालमा कोरोनाबाट मृत्यु हुनेको संख्या ११ हजार ४० पुगेको छ ।
