मुम्बई । भारतीय अभिनेत्री शिल्पा शेट्टीले तेलुगु चलचित्र काम गर्ने भएकी छन् । करिब २० वर्षपछि तेलुगु चलचित्रमा देखिन लागेकी उनले महेश बाबु अभिनीत चलचित्र ‘एसएसएमबी २८’ बाट उनी अभिनयमा फकिने सम्भावना छ । भारतीय सञ्चार माध्यमका अनुसार चलचित्रको महत्वपूर्ण भूमिकाको लागि उनलाई अफर गरिएको छ ।
त्रिविक्रम श्रीनिवासको निर्देशनमा बन्न लागेको उक्त चलचित्रमा अभिनेत्री शिल्पाको भूमिका महेश बाबुको काकीको रहेको जनाइएको छ । तर, शिल्पाले चलचित्रको विषयमा अहिलेसम्म आधिकारिक पुष्टि गरेकी छैनन् ।सौर्य दैनिकमा खबर छ । केही दिनअघि चलचित्रको मुख्य भूमिकाको दौडमा अभिनेत्री जान्हवी कपुर र पूजा हेगडे रहेको जनाइएको थियो । सन् १९९६ मा ‘शशा विरुदु सागरा कन्या’ नामक तेलुगु चलचित्रमा डेब्यु गरेकी शिल्पा पछिल्लो समय २००१ मा प्रदर्शनमा आएको चलचित्र ‘भलेवादिवी बैसु’ मा देखिएकी थिइन् ।
