काठमाडौँ १ असोज पछिल्लो २४ घण्टामा देशभर १ हजार ५५८ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशभर ८ हजार ६६५ नमुनाको पीसीआर टेष्ट गर्दा १ हजार ८६ र ३ हजार ७२० जनाको एन्टीजिन टेष्ट गर्दा ४७२ जना गरी १ हजार ५५८ जनामा संक्रमण पुष्टि भएको हो ।
यो सँगै नेपालमा हाल सम्म कोरोना भाइरस संक्रमित हुनेको संख्या ७ लाख ८३ हजार ७५ पुगेको छ ।
त्यसैगरी, पछिल्लो २४ घण्टामा थप १ हजार ३५१ जना संक्रमणमुक्त भएको मन्त्रालयले जनाएको छ । योसँगै हाल सम्म नेपालमा कोरोना मुक्त हुनेको संख्या ७ लाख ४६ हजार ५६६ पुगेको छ ।
यसैगरी, पछिल्लो २४ घण्टामा १० जना कोरोजना संक्रमितले ज्यान गुमाएका छन् । योसँगै कोरोनाबाट मृत्यु हुनेको संख्या नेपालमा ११ हजार १२ पुगेको छ ।
