काठमाडौं -नेपालमा पछिल्लो २४ घण्टामा एक हजार ५११ जनामा कोरोना संक्रमण पुष्टि भएको छ। स्वास्थ तथा जनसंख्या मन्त्रालयका अनुसार पिसिआर विधिबाट ११ हजार २ सय ८ जना र एन्टिजेनबाट ३९७१ जनाको परीक्षण गर्दा एक हजार ५११ जनामा कोरोना संक्रमण पुष्टि भएको हो । जसमध्य काठमाडौं उपत्यकामा थप ४३० कोरोना संक्रमित थपिएका छन्।
आज काठमाडौंका २९३, ललितपुरका ९८ र भक्तपुरमा ३९ जनामा कोरोना संक्रमण पुष्टि भएको मन्त्रालयले जनाएको छ। त्यस्तै सोही अबधीमा एक हजार ६८९ संक्रमितले कोरोना जितेका छन् ।
संक्रमणबाट पछिल्लो २४ घण्टामा ११ जनाको मृत्यु भएको छ। अहिलेसम्म कोरोनाको संक्रमणबाट नेपालमा ११ हजार २ जनाको मृत्यु भएको मन्त्रालयले जनाएको छ ।
