बिराटनगर ३० भदौ । प्रदेश १ का मुख्यमन्त्री भीम आचार्यले असोज २२ गते विश्वासको मत लिने भएका छ । आज बुधबार बसेको प्रदेशको मन्त्रिपरिषद बैठकले असोज २२ गते प्रदेशसभाको अधिवेशन बोलाउन सिफारिस गरेको हो । सोही दिन आचार्यले विश्वासको मत लिने भएका हुन् ।
एमाले विभाजन भएपछि अल्पमतमा परेको प्रदेश १ को सरकारलाई अब सरकार टिकाउन ४७ मत आवश्यक रहेको छ । तर प्रदेश १मा एमालेका जम्मा ४१ सांसद रहेका छन् ।
कुल ९२ सांसद रहेको प्रदेश १मा एमाले विभाजन भएपछि प्रदेशका १० जना सांसदले माधव नेपाल नेतृत्व नेकपा एकीकृत समाजवादी पार्टी रोजेका थिए ।
