आईसिसी वर्ल्ड कप लिग २ अन्तर्गत त्रिकोणात्मक एकदिवशीय अन्तर्राष्ट्रिय क्रिकेट शृंखलाअन्तर्गत अहिले घरेलु टोली ओमान र नेपाल बीचको खेल जारी रहेको छ । ओमानमा जारी खेलमा नेपालले टस जितेर अहिले ब्याटिङ गरिरहेको छ।
नेपालको अहिले सम्म २ विकेट गएको छ । प्रारम्भिक ब्याट्सम्यानको रुपमा आएका हिजो अमेरिका संगको खेलमा ८४ रन जोडेका कुशल भुर्तेल आज शुन्य रनमै पभेलियन फर्किएका छन् ।
त्यस्तै भर्खरै कप्तान ज्ञानेन्द्र मल्ल पनि आउट भएका छन् । उनले ३३ बलको सामना गर्दै १ चौकाको मद्धतमा २१ रन बनाएर आउट भए । नेपालले ताजा अवस्थामा १६ ओभरको समाप्तीमा २ विकेट गुमाएर ७४ रन बनाएर खेलिरहेको छ।
अहिले क्रिजमा आशिफ शेख र रोहीत पौडेल रहेका छन् ।अमेरिकालाई ५ विकेटले पराजित गर्दै विजयी सुरुवात गरेको थियो। ५ खेलबाट ६ अंक भएको नेपाल छैटौँ स्थानमा छ। १० खेलबाट १४ अंक भएको ओमान शीर्षस्थानमा छ।
