काठमाडौं ६ जेठ । नेपालमा नियन्त्रण बाहिर गएको कोभिड १९ को पछिल्लो २४ घण्टामा २२ हजार ८७ नमुना परीक्षण गर्दा ८३०५ जनामा संक्रमण पुष्टि भएको छ । स्वास्थ्य तथा जनसंख्या मन्त्रालयले दिएको जानकारी अनुसार नेपालमा हाल सम्म कोरोना संक्रमितको संख्या ४ लाख ८८ हजार ६४५ जनामा कोरोना संक्रमण पुष्टि भएको छ ।
त्यस्तै, पछिल्लो २४ घण्टामा १९० जना संक्रमितले ज्यान गुमाएका छन् । कोरोनाबाट ज्यान गुमाउने संख्या आजसम्म ५ हजार ८४७ पुगेको मन्त्रालयले जनाएको छ । त्यस्तै, आज ६ हजार ५४३ जना संक्रमणमुक्त भएको मन्त्रालयले जनाएको छ । योसँगै कोरोनालाई जितेर घर फर्किने संख्या ३ लाख ६६ हजार ९४६ जना पुगेको छ ।
