काठमाडौँ २९ भदौ । बैंकिङ कसुरका फरार एक व्यक्तिलाई प्रहरीले पक्राउ गरेको छ ।
पक्राउ पर्नेमा सिन्धुपाल्चोकको चौतारा साँगाचोकगढी नगरपालिका-१० घर भई काठमाडौं काँडाघारी बस्ने ३९ वर्षीय दीपक कार्की रहेका छन् ।
उच्च अदालत पाटनले ०७६ साल फागुन १८ गते बैंकिङ कसुर मुद्दामा ३० लाख जरिमाना र ७ दिन कैद फैसला सुनाएपछि फरार रहेका दिपकलाई अपराध महाशाखाबाट खटिएको प्रहरीको टोलीले सोमबार पक्राउ गरेको हो ।
उनलाई फैसला कार्यान्वयनका लागि काठमाडौं जिल्ला अदालत पेश गरिएको महाशाखाले बताएको छ ।
