काठमाडौं ।चोरी भएको को ५० बर्ष पछि उमामहेश्वरको मूर्ति अमेरिकाबाट नेपाललाई फिर्ता भएको छ । १० औं शताब्दीको उमामहेश्वरको मूर्ति अमेरिका स्थित नेपाली दूतावासले प्राप्त गरेको बताइएको छ ।
डेनवर कला संग्रहालय, कोलोराडोका प्रतिनिधिले मूर्ति दूतावासलाई हस्तान्तरण गरेको हो।५० वर्ष पहिले पाटन स्थित गाहितिबाट मूर्ति चोरी भएको थियो।मूर्ति उचित समयमा नेपाल ल्याउने र उपयुक्त ठाउँमा स्थापित गरिने बताइएको छ ।
राजदूत युवराज खतिवडाले संग्रहालयलाई नेपालमा चोरी भएको कलाकृति फिर्ता गर्न सहयोग गरेकोमा धन्यवाद दिदै सांस्कृतिक सम्पदाको संरक्षणमा दुई देश बीच सहयोगको यो महत्वपूर्ण कार्यले सम्बन्ध अझ सुदृढ बनाउने बताए ।
