काठमाडौं, २८ भदौ – प्रतिनिधि सभाको बैठक मंगलबार दिउँसो १ बजे बानेश्वरस्थित संघीय संसद भवनमा बस्ने भएको छ ।
बैठकका लागि सम्भावित कार्यसूची तय भएका छन् ।
संघीय संसद सचिवालयका अनुसार अर्थमन्त्री जनार्दन शर्माले ‘विनियोजन विधेयक, २०७८ माथि विचार गरियोस्’ भनि प्रस्ताव प्रस्तुत गर्ने कार्यसूची रहेको छ ।
यस्तै बैठकमा २०४८ सालमा राष्ट्रिय सभामा मनोनित सदस्य रुक्म शम्शेर जवराको निधनप्रति शोक प्रस्ताव प्रस्तुत गर्ने कार्यसूची रहेको संसद सचिवालयले जनाएको छ । पछिल्ला केहीदिनदेखि एमालेले माधव नेपालसहित १४ सांसदहरुलाई कारवाहीको माग गर्दै संसद अवरुद्ध गर्दै आएको छ ।
