काठमाडौं २८ भदौ । सामाजिक संजालमा आफ्नै केटी साथीको अश्लिल फोटो, भिडियो पोष्ट गर्ने एक जनालाई प्रहरीले पक्राउ गरेको छ ।
पक्राउ पर्नेमा दोलखा जिल्ला बैतेश्वर गाँउपालिका वडा नं। ८ स्थायी घर हाल काठमाण्डौं टोखा, धनेश्वर बस्ने २३ वर्षीय सुजन जिरेल रहेका छन् ।
सुरजमाथि सामाजिक संजाल Facebook, Instagram मा आफ्नो प्रेमिका संग प्रेम सम्बन्धमा रहेको समयमा खिचिएका अश्लिल फोटो, भिडियोहरु प्रेमिकासंग विवाद गरे पश्चात मोबाईल समेत खोसी लिई फेसबुक, ईस्ट्राग्राममा अश्लिल फोटो, भिडियो पोष्ट गरी चरित्र हत्या गरेको अभियोग लागेको छ ।
। काभ्रे पाँचखालमा लुकिछीपि बसेको भन्ने सूचनाको आधारमा जिल्ला प्रहरी कार्यालय काभ्रे संग आवश्यक समन्वय गरी आइतबार पाँचखालबाट पक्राउ गरिएको हो । निज सुजन जिरेललाई बिद्युतिय कारोवार ऐन कसूरमा आवश्यक कारवाहीको लागी आजमहानगरीय प्रहरी परिसर काठमाण्डौंमा पठाईएको छ ।
