काठमाडौँ २७ भदौ पछिल्लो २४ घण्टामा देशभर ९११ जनामा कोरोना भाइरस संक्रमण पुष्टि भएको छ । योसँगै नेपालमा कोरोना भाइरस संक्रमितको कुल संख्या ८ लाख ६३ हजार ८५७ पुगेको छ ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा ७ हजार ८७८ नमुनाको पीसीआर परीक्षणमा ८३८ जना र ३ हजार १४० नमुनाको एन्टिजेन परीक्षण गर्दा ७३ जना गरी ९११ जनामा पुष्टि भएको हो ।
त्यस्तै गरी, पछिल्लो २४ घण्टामा १ हजार ४२३ जना संक्रमणमुक्त भएकाछन् । भने १३ जना संक्रमितले भने ज्यान गुमाएका छन् । हालसम्म नेपालमा कोरोना संक्रमणबाट मृत्यु हुनेको संख्या १० हजार ९४९ पुगेको छ ।
