काठमाडौँ २७ भदौ । अस्पतालमा बम राखेर फिरौती माग्ने तिन जनालाई प्रहरीले पक्राउ गरेको छ ।
काठमाडौंको पुरानो बानेश्वरस्थित मातृका आँखा अस्पतालमा ‘बम’ राखेर फिरौती माग्ने तीन जनालाई प्रहरीले काठमाडौँ र धादिङबाट पक्राउ गरेका हुन् ।
पक्राउ पर्नेमा धादिङका दुई जना र रोल्पा घर भएका एकजना युवक रहेका छन् । महानगरीय प्रहरी परिसर काठमाडौंको टोलीले पक्राउ गरेका उनीहरुलाई आज दिउँसो पत्रकार सम्मेदन गरी सार्वजनिक गर्ने भएको छ ।
गत भदौ २५ गते अस्पतलमा बम राखेर अस्पतालका सञ्चालक किशोर प्रधानसँग ३ करोड फिरौती मागेका थिए ।
अस्पतालको शौचालयमा फेला परेको उक्त बम सेनाको एक टोलीले निष्क्रिय बनाएको थियो ।
